ԵՐԵՎԱՆ, ԱՊՐԻԼԻ 11, 24News
ԱՄՆ նախագահ Դոնալդ Թրամփը Ռուսաստանին կոչ է արել սկսել գործել ուկրաինական հակամարտության շուտափույթ կարգավորման համար: Այդ մասին Սպիտակ տան ղեկավարը գրել է Truth Social սոցցանցում։
Նման հայտարարություն նա արել է Ուիթքոֆի և Պուտինի նախատեսված հանդիպման նախօրեին։
«Չափազանց շատ մարդիկ են զոհվում՝ ամեն շաբաթ հազարավոր մարդիկ, այս սարսափելի և անիմաստ պատերազմում: Պատերազմ, որը երբեք չպետք է սկսվեր, և որը չէր լինի, եթե ես լինեի նախագահը»- ասվում է Թրամփի գրառման մեջ:
Հիշեցնենք՝ ապրիլի 11-ին Սանկտ Պետերբուրգում սկսվել է Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի Մերձավոր Արևելքի հարցերով հատուկ ներկայացուցիչ Սթիվ Ուիթքոֆի հանդիպումը, հայտնել է Կրեմլի մամուլի ծառայությունը։
Հիշեցնենք՝ ապրիլի 11-ին Սանկտ Պետերբուրգում սկսվել է Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի Մերձավոր Արևելքի հարցերով հատուկ ներկայացուցիչ Սթիվ Ուիթքոֆի հանդիպումը, հայտնել է Կրեմլի մամուլի ծառայությունը։
Բանակցային գործընթացը փակ է անցկացվում։
Պեսկովի խոսքով՝ հանդիպմանը կքննարկվեն Ուկրաինայում հակամարտության կարգավորման որոշ ասպեկտներ։
--00—ՍՊ