ԵՐԵՎԱՆ, ԱՊՐԻԼԻ 14, 24News
Ապրիլի 13-ին Տաջիկստանում տեղի ունեցած երկրաշարժի հետևանքով ավերվել է գրեթե 100 բնակելի շենք երկրի տարբեր շրջաններում, ևս մի քանի տասնյակ շենքեր են վնասվել։ Այս մասին ՏԱՍՍ-ին հայտնել են հանրապետության կառավարությանն առընթեր Արտակարգ իրավիճակների և քաղաքացիական պաշտպանության կոմիտեի ճգնաժամային կառավարման կենտրոնից
Հաղորդագրության մեջ նշվում է, որ, ըստ նախնական տվյալների, Ռաշտի շրջանի հինգ գյուղերում ամբողջությամբ ավերվել է 40 բնակելի շենք, մասամբ ավերվել է 5 բնակելի շենք, 3 թեյարան և 1 օժանդակ դպրոցի շենք։
Բացի այդ, Ուշտուրպաստ գյուղում երեք տարեկան երեխան մահացել է փլատակների տակ։ Նրա մահվան մասին ավելի վաղ հայտնել էր Արտակարգ իրավիճակների կոմիտեն։
--00—ՅՄ