Աննա Հակոբյանը համացանցում առկա մտահոգությունների վերաբերյալ տեղեկություններ է տարածել

ԵՐԵՎԱՆ, ՄԱՐՏԻ 23, 24News

«Այսօր ՀՀ առողջապահության նախարարության հետ համատեղ կազմակերպված իրազեկման ակցիայի շրջանակներում Երևանի փողոցներով, խանութներով եմ շրջել և մարդկանց բաժանել ՀՀ առողջապահության նախարարության պատրաստած հուշաթերթիկները»։ Այս մասին ֆեյսբուքայն էջում գրում է ՀՀ վարչապետի տիկին Աննա Հակոբյանը:



Համացանցում առկա մտահոգության վերաբերյալ տեղեկացնում եմ՝

✅Ես երկու անգամ Կորոնավիրուսի թեստ եմ անցել․ թեստը եղել է բացասական, հետևաբար, ես չէի կարող վարակի աղբյուր լինել։

✅Դիմակ չեմ կրել, քանի որ բացօթյա տարածքներում դիմակ կրելու անհրաժեշտություն չկա։

✅Անցորդներից որևէ մեկին չեմ դիպել, գրկել․ պահպանել եմ սոցիալական հեռավորությունը։

✅Ձեռքերս անընդհատ ախտահանում եմ, այդ թվում այս ակցիայից առաջ էլ, ընթացքում էլ, հետո էլ։

✅Չունեմ և չեմ ունեցել հազ, ջերմություն և վիրուսի այլ ախտանշաններ։



Առո՛ղջ եղեք։