ԵՐԵՎԱՆ, ԱՊՐԻԼԻ 18, 24News
Իտալական հեղինակավոր La Gazzetta dello Sport թերթն անդրադարձել է Սերիա Ա-ում հետագայում հնարավոր ազդեցություն ունեցող ֆուտբոլիստներին, որոնց մեջ է նաև Հայաստանի ազգային թիմից Հենրիխ Մխիթարյանը:
«Արմենպրես»-ի հաղորդմամբ` թերթը ընդգծել է մրցաշարային աղյուսակի մի քանի ակումբների ֆուտբոլիստների` Կրիշտիանու Ռոնալդուին, Չիրո Իմոբիլեին, Ռոմելու Լուկակուին: Առաջնության հաջորդ հատվածի վրա հնարավոր ազդեցություն ունեցող ֆուտբոլիստներից է նաև Հենրիխ Մխիթարյանը:
Հայաստանի ֆուտբոլի ազգային թիմի ավագ Հենրիխ Մխիթարյանը այս մրցաշրջանի սկզբում «Արսենալ»-ից վարձավճարով տեղափոխվեց «Ռոմա»: Հայ ֆուտբոլիստն այս ընթացաքում դարձել է 6 գոլի և 3 գոլային փոխանցման հեղինակ: