ԵՐԵՎԱՆ, ՄԱՅԻՍԻ 25, 24News
Հետաքննությունը երրորդ քրեական գործն է հարուցել ընդդիմության առաջնորդ Ալեքսեյ Նավալնիի դեմ ՝ դատավորին վիրավորելու համար:
«Ներկայում Նավալնիի նկատմամբ քննվում է երեք քրեական գործ, վերջինը հարուցվել է «դատարանի նկատմամբ անհարգալից վերաբերմունք» հոդվածով, որը արտահայտվել է դատավորին վիրավորելով: Բոլոր քրեական գործերով Նավալնին անցնում է որպես կասկածյալ»,-այս մասին Интерфакс-ին ասել է Նավալնիի փաստաբան Օլգա Միխայլովան` պատասխանելով գործակալության հարցին:
Նավալնիի նկատմամբ ներկայում քննվում է նաև իր կողմից հիմնադրված հակակոռուպցիոն հիմնադրամին (Ռուսաստանի Դաշնությունում որպես օտարերկրյա գործակալ ճանաչված) նվիրատվությունների յուրացման դեպքերի և քաղաքացիների անհատականությունն ու իրավունքները ոտնահարող շահույթ չհետապնդող կազմակերպություն ստեղծելու դեպքի վերաբերյալ քրեական գործեր:
Նավալնին կասկածվում է դատավոր Վերա Ակիմովային վիրավորելու համար, որն ընդդիմադիր գործչին մեղավոր էր ճանաչել վետերանին զրպարտելու համար:
Միևնույն ժամանակ, Նավալնիի ինստագրամյան էջը տեղեկացրել է, որ նախօրեին գործչի մոտ է եկել «Ռուսաստանի քննչական կոմիտեի գլխավոր քննչական վարչության հատկապես կարևոր գործերի քննիչը», նրան տեղեկացրել է 3 քրեական գործերի քննության մասին: Ըստ նրա՝գործերը քննում է 21 քննիչ:
Հրապարակման մեջ նշվում է, որ քննիչը Նավալնիին չի բացատրել, թե ինչպես է նա վիրավորել դատավորին: Ընդդիմադիրը չի ընդունում իր մեղքը և քրեական հետապնդումը համարում է քաղաքականապես մոտիվացված:
Մարտի կեսից Նավալնին գտնվում է Վլադիմիրի մարզի Պոկրով քաղաքի մոտակայքում գտնվող Ռուսաստանի Դաշնային քրեակատարողական ծառայության թիվ 2 ուղղիչ գաղութում, որտեղ նա պատիժ է կրում Իվ Ռոշեի գործով:
--00—ՄՀ