ԵՐԵՎԱՆ, ՓԵՏՐՎԱՐԻ 2, 24 News
«Ստեփան Գիշյան» բարեգործական հիմնադրամը դրամաշնորհային մրցույթ է հայտարարում իրավաբանական անձանց համար:
Բարեգործական հիմնադրամը մեկնարկել է օնլայն դիմում հայտերի (https://foundation-gishyan.am/hy/how-to-apply)ընդունման գործընթացը, որը կտևի մինչև ս.թ. մարտի 15-ը ներառյալ։
Ներկայացվող ծրագրերը պետք է ուղղված լինեն սոցիալ-տնտեսական, կրթական և գիտական, առողջապահական և մշակութային ոլորտներից մեկի կամ միաժամանակ մի քանիսի զարգացմանը։ Ծրագրերը պետք է իրականացվեն բացառապես ՀՀ տարածքում։
Հիմնադրամը նախապատվություն կտա այն ծրագրերին, որոնք՝
• նպաստում են նոր աշխատատեղերի ստեղծմանը,
• օգտագործում են հնարավորինս մեծ ծավալով տեղական արտադրություն և հումք,
• առաջարկում են նորարարական լուծումներ,
• միտված են հայ-ֆրանսիական կապի ամրապնդմանը:
Մանրամասներին ծանոթացեք հետևյալ հղմամբ (https://www.foundation-gishyan.am/):
Տրամադրվող մեկ դրամաշնորհի առավելագույն չափը կազմում է 5.000.000 ՀՀ դրամ:
«Ստեփան Գիշյան» բարեգործական հիմնադրամը (https://foundation-gishyan.am/) ստեղծվել է Ակբա բանկի, ֆրանսիական Կրեդիտ Ագրիկոլ բանկային խմբի, Կրեդիտ Ագրիկոլ ազգային ֆեդերացիայի և Ստեփան Գիշյանի ընտանիքի կողմից:
--00—ՄՀ