ԵՐԵՎԱՆ, ՓԵՏՐՎԱՐԻ 21, 24News
Հավաքական անվտանգության պայմանագրի կազմակերպության (ՀԱՊԿ) կանոնադրությունը թույլատրում Է ռազմական կամ խաղաղապահ ուժեր կիրառել միայն կազմակերպության մասնակից երկրների տարածքում, ինչի կապակցությամբ ՀԱՊԿ-ի ուժեր ԼԺՀ եւ ԴԺՀ ուղարկելը հնարավոր չԷ: Այդ մասին հայտարարել Է Ղազախստանի արտաքին գործերի նախարար, փոխվարչապետ Մուխտար Տլեուբերդին, տեղեկացնում Է «Արմենպրես»-ը:
«Ո՛չ, անհնար Է, որովհետեւ, ինչպես գիտեք, ՀԱՊԿ-ի կանոնադրությունը խստորեն սահմանափակում Է ռազմական կամ խաղաղապահ ուժերի կիրառումը: Դրանք կարող են կիրառվել միայն ՀԱՊԿ-ի տարածքում»,- Տլեուբերդին երեքշաբթի օրը կառավարության կուլուարներում ասել Է լրագրողներին՝ պատասխանելով համապատասխան հարցին: Տլեուբերդին հիշեցրել Է, որ «վերջերս ՀԱՊԿ-ի գլխավոր քարտուղարը մեկնաբանել Է խաղաղապահ զորակազմ ԼԺՀ եւ ԴԺՀ ուղարկելու հնարավորության վերաբերյալ հարցը»: «Ինչպես նա ասել Է, դա հիպոթետիկ հարց Է: Այսինքն՝ գործնականում դա հնարավոր չԷ:
«Որպեսզի ուղարկելը հնարավոր լինի, հարկավոր Է, բնականաբար, ՄԱԿ-ի Անվտանգության խորհրդի բանաձեւ եւ համապատասխան մանդատ: Բայց, ինչպես գիտեք, ՄԱԿ-ը չունի իր խաղաղապահ ուժերը, ուստի գործնական հարթության վրա հարցն այդպես չի դրված»,-նշել Է Ղազախստանի ԱԳ նախարարը: Ռուսաստանի նախագահ Վլադիմիր Պուտինը ռուսաստանցիներին դիմելուց հետո փետրվարի 21-ի երեկոյան Անվտանգության խորհրդի արտահերթ մեծ նիստից հետո դիմել Է ՌԴ քաղաքացիներին եւ հայտարարել, որ անհրաժեշտ Է համարում որոշում ընդունել՝ անհապաղ ճանաչելու Դոնեցկի եւ Լուգանսկի ժողովրդական հանրապետությունների (ԴԺՀ-ի, ԼԺՀ-ի) ինքնիշխանությունը, քանի որ նրանք, ովքեր կանգնել են արյունահեղության, բռնության եւ անօրինականության ուղու վրա, չեն ընդունել եւ չեն ընդունում Դոնբասի հակամարտության ոչ մի այլ լուծում, բացի, ռազմականից:
Դիմելուց անմիջապես հետո նախագահը Կրեմլում հրամանագրեր ստորագրեց ԴԺՀ-ի, ԼԺՀ-ի անկախությունը ճանաչելու մասին: Իր հրամանագրերում Պուտինը հանձնարարել Է՝ խաղաղության պահպանումը ԴԺՀ-ում եւ ԼԺՀ-ում ապահովել ՌԴ զինված ուժերով, հաղորդել Է ՌԻԱ Նովոստին:
--00--ՍԳ