ԵՐԵՎԱՆ, ՀՈՒՆԻՍԻ 6, 24News
Արցախի Հանրապետության արտաքին գործերի նախարար Դավիթ Բաբայանը ֆեյսբուքյան իր էջում գրել է.
«Մենք Ռուսաստանը համարում ենք եղբայրական երկիր մեզ համար, ռուսներին՝ եղբայրական ժողովուրդ, և դա չի նշանակում, որ այնպիսի երկրներ, ինչպիսիք են Ֆրանսիան, ԱՄՆ-ը, Իրանը և այլ երկրներ մեզ համար թշնամիններ են։ Ընդհանրապես, միայն մենք և հրեաներն ունենք նման հնարավորություն՝ ունենալով սփյուռք ամբողջ աշխարհում, լավ հարաբերությունների մեջ լինել շատ երկրների հետ, նույնիսկ նրանց հետ, որոնք վատ հարաբերություններ ունեն միմյանց հետ։ Պետք է ապուշ լինել, որպեսզի չօգտվես այս հնարավորությունից։
Նրանք, ովքեր ատում են մի երկիր և փորձում են այն ներկայացնել որպես սեր մյուսին, կամ այլասերված են, կամ այլ երկրների շահեր են սպասարկում»,- գրել է նա:
--00--ԱՀ