ԵՐԵՎԱՆ, ՀՈՒՆՎԱՐԻ 29, 24News
Փրկարար ծառայությունը տեղեկացնում է, որ ժամը 20։00-ի դրությամբ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և Քարի լիճ տանող ավտոճանապարհները։
Արագածոտնի ավտոճանապարհներին տեղ-տեղ առկա է մերկասառույց։
Սարավան-«Զանգեր» կոչվող հատվածում, Արմավիրի, Արարատի մարզերում, Գավառ, Սևան, Վարդենիս, Հրազդան, Աբովյան, Եղվարդ, Թալին, Արագած, Աշտարակ, Ապարան, Վայք, Եղեգնաձոր, Ջերմուկ քաղաքներում, Աշոցքի տարածաշրջանում և Ելփին-Չիվա ավտոճանապարհին տեղում է ձյուն։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։
Վարորդներին խորհուրդ է տրվում երթևեկել բացառապես ձմեռային անվադողերով։
--00—ՅՄ