ԵՐԵՎԱՆ, ՄԱՐՏԻ 10, 24News
Սյունիքում դպրոցականներին տեղափոխող ավտոբուսի վթարի հետևանքով կին է մահացել։ Այս մասին հայտնում է «Sputnik Արմենիա»-ն։
Նշվում է, որ դպրոցի ավտոբուսում 9 ուսուցիչ է եղել, 2 մաքրուհի, 10-ից ավելի երեխաներ։
Տուժածները Կապանի ԲԿ-ում են։
Հիշեցնենք, որ մարտի 10-ին, ժամը 14:21-ին Սյունիքի մարզային ճգնաժամային կառավարման կենտրոն ահազանգ է ստացվել, որ Կապան-Նորաշենիկ ավտոճանապարհին տեղի է ունեցել ՃՏՊ՝ ավտոբուսը շրջվել է ձորը․ անհրաժեշտ է փրկարարների օգնությունը։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ։
Նախնական տվյալներով՝ կա 21 տուժած։
--00—ՅՄ