ԵՐԵՎԱՆ, ՀՈՒՆԻՍԻ 26, 24News
SHAMSHYAN.com-ի տեղեկություններով՝ հունիսի 21-ին արտակարգ դեպք է տեղի ունեցել «Զվարթնոց» օդանավակայանում։
Ինչպես հայտնում է ֆոտոլրագրող Գագիկ Շամշյանը, ՀՀ Ներքին գործերի նախարարության Ոստիկանության «Զվարթնոց» գծային բաժնի քրեական հետախուզության բաժանմունքի օպեր լիազորը օպերատիվ տեղեկություններ է ստացել, որ մեկնման սրահում «Երևան-Մոսկվա» թիվ 510 չվերթին սպասող քաղաքացու մոտ՝ ձեռքին կա ստվարաթղթե տուփ, որի մեջ հնարավոր է՝ զենք լինի։
Օպեր լիազորը իր գործընկերոջ հետ մոտենում են այդ քաղաքացուն և համապատասխան փաստաթղթերը ուսումնասիրելու նպատակով պարզում են, որ տեղեկությունը հավաստի էր։ Տուփի մեջ հայտնաբերվում է ինքնաձիգ, ինչպես նաև 2 փամփշտատուփ։
Գ․ Շամշյանի տեղեկություններով՝ «Զվարթնոցի» ոստիկանները այդ քաղաքացուն՝ ապօրինի զենք-զինամթերք պահելու և կրելու կասկածանքով տեղափոխում են գծային բաժին։
Պարզվում է, որ նա ՌԴ քաղաքացի 27-ամյա Ա․ Իսկրիչն է։ Վերջինիս ոստիկանները ներկայացնում են Հայաստանի քննչական կոմիտեի «Զվարթնոց» օդանավակայանի քննչական բաժին, որտեղ դեպքի փաստով նախաձեռվել է վարույթ։
--00--ԶՀ