ԵՐԵՎԱՆ, ՄԱՅԻՍԻ 28, 24News
Շնորհավորում եմ Հայաստանի առաջին հանրապետության տոնի առթիվ: 1918 թվականի մայիսի 28-ին Հայաստանի առաջին հանրապետության հիմնադրմամբ սկսվեց հայոց պատմության կարևոր էջը, գրում է ԱԺ պատգամավոր Թագուհի Թովմասյանը։
«Այս արժեքավոր իրադարձությունը նշանավորեց հայոց ժամանակակից պետականության արշալույսը հայ ժողովրդի դարավոր օտար տիրապետությունից:
Հայաստանի առաջին հանրապետությունը հայ ժողովրդի հույսի և հաստատակամության խորհրդանիշն է, փարոսն այն բանի, թե ինչի կարելի է հասնել միասնության և վճռականության շնորհիվ։
Այսօր մենք հարգանքի տուրք ենք մատուցում Հայաստանի առաջին հանրապետության կերտման գործում իրենց նվիրումն ունեցած մեր հայրենակիցներին:
Փա՛ռք ու պատիվ նրանց, ովքեր ընկան ու մեզ ժառանգեցին պետականություն ունենալու բաղձանքը»:
--00—ՅՄ