ԵՐԵՎԱՆ, ՀՈԿՏԵՄԲԵՐԻ 13, 24News
ԱՄՆ պաշտպանության նախարարությունը, ԱՄՆ նախագահ Ջո Բայդենի հրամանով, Իսրայել կուղարկի THAAD հակաօդային պաշտպանության մարտկոց՝ ԱՄՆ զինված ուժերի հետ միասին՝ դրա պահպանման և օգտագործման համար, հայտնել են Պենտագոնից։
«Նախագահի հանձնարարությամբ պաշտպանության նախարար Լլոյդ Օսթինը թույլատրել է THAAD մարտկոցը և ԱՄՆ ռազմական թիմը ուղարկել Իսրայել՝ օգնելու ամրապնդել հակաօդային պաշտպանությունը», - ասվում է գերատեսչության հայտարարության մեջ:
Պենտագոնը նշել է, որ որոշումը Իրանի կողմից Իսրայելի վրա վերջին հրթիռային հարձակումների հետևանք է։
--00—ՅՄ