ԵՐԵՎԱՆ, ԴԵԿՏԵՄԲԵՐԻ 24, 24News
Սանկտ Պետերբուրգում Պուտին-Փաշինյան առանձին երկկողմ հանդիպում նախատեսված չէ։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։
Պուտինի մամուլի քարտուղարը նաև նշել է, որ ԱՊՀ երկրների ղեկավարների ոչ պաշտոնական գագաթնաժողովը լավ հնարավորություն է շփվելու համար։
Հիշեցնենք, որ ավելի վաղ հայտնել էինք, որ Ռուսաստանի Դաշնության նախագահ Վլադիմիր Պուտինը Լենինգրադի մարզում դեկտեմբերի 26-ին կմասնակցի Հայաստանի Հանրապետության վարչապետ Նիկոլ Փաշինյանի նախագահությամբ անցկացվելիք Եվրասիական տնտեսական բարձրագույն խորհրդի նիստին։
--00—ԼՀ