ԵՐԵՎԱՆ, ՀՈՒՆԻՍԻ 8 24News
ԱԻՆ-ից հայտնում են, որ հունիսի 8-ին` ժամը 16:44-ին, ճգնաժամային կառավարման ազգային կենտրոն ահազանգ է ստացվել, որ Աշտարակի կամրջի տակ կա քաղաքացի, որը հավանաբար ցած է նետվել կամրջից։
Դեպքի վայր են մեկնել ԱԻՆ ՓԾ Արագածոտնի մարզային փրկարարական վարչության օպերատիվ խումբը և հրշեջ-փրկարարական ջոկատից մեկ մարտական հաշվարկ:
Կամրջի տակ հայտնաբերվել է բազմաթիվ կոտրվածքներով քաղաքացի։ Շտապօգնության աշխատակիցները տեղում ցուցաբերել են առաջին բուժօգնություն։
Փրկարարները քաղաքացուն պատգարակով մոտեցրել են (մոտ 1 կմ) շտապօգնության ավտոմեքենային։
--0-- ՍՊ