ԵՐԵՎԱՆ, ՀՈԿՏԵՄԲԵՐԻ 28, 24News
ԱԺ «Իմ քայլը» խմբակցության անդամ Տաթևիկ Հայրապետյանը ֆեյսբուքյան էջում գրել է.
«Ադրբեջանում հատուկ կարանտինային ռեժիմը երկարացվել է մինչև դեկտեմբերի 1-ը։ Փակվում են նոր քաղաքներ և բնակավայրեր, հստակ կարող եմ ասել, որ դրանք դեմոգրաֆիական առումով գերազանցապես ազգային փոքրամասնություններով են բնակեցված, մասնավորապես՝ լեզգիաբնակ, թալիշաբնակ և թաթաբնակ բնակավայրեր են։
Ալիևի իշխանությունը, որը թույլ էր տալիս և խրախուսում, որ ամիսներ առաջ՝ համավարակի թեժ պահին մի քանի հազարանոց ցույց կազմակերպվեր Բաքվում «Մահ հայերին» կոչերով, հիմա առանձնակի «հոգատարություն», իսկ իրականում վախ և զգուշություն է ցուցաբերում ազգային փոքրամասնություններով բնակեցված շրջանների նկատմամբ։
Ալիևը հաստատ զգուշանալու և վախենալու շատ բան ունի։ Չմոռանանք, որ 90-ականներին պատերազմի արդյունքում ձևավորվել է Թալիշ Մուղանյան հանրապետությունը, որը թեև արագ վերացվեց, բայց լուրջ հետևանքներ ունեցավ Ադրբեջանի ներքաղաքական կյանքի վրա։
Ալիևը կովիդից չի վախենում, այլ պատերազմի հետագա ընթացքից և դրա սպասվող հետևանքներից։
Իսկ մենք #ՀԱՂԹԵԼՈՒԵՆՔ»:
--00--ԱԹ