ԵՐԵՎԱՆ, ՀՈՒՆԻՍԻ 28, 24news
Այսօր՝ հունիսի 28-ին, խոշոր ավտովթար է տեղի ունեցել Արագածոտնի մարզում։ Ժամը 15։30-ի սահմաններում Երևան Վանաձոր ավտոճանապարհին, Աշնակ գյուղի վարչական տարածքում ճակատ-ճակատի բախվել են Nisan X-Trail ու Mercedes Vito մակնիշի ավտոմեքենաները։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի տարբեր աստիճանի մարմնական վնասվածքներով տեղափոխվել են «Ապարան» բժշկական կենտրոն։
Բախման հետևանքով Mercedes Vito-ն դուրս է եկել երթևեկելի գոտուց և հայտնվել դաշտում, մասամբ առվակի մեջ։
Վիրավորներին առաջինն օգնության են հասել քաղաքացիները և օպերատիվորեն ժամանած ՀՀ Ներքին գործերի նախարարության Փրկարար ծառայության Ապարանի թիվ 20 հրշեջ-փրկարարական ջոկատի փրկարարները՝ ջոկատի հրամանատար Հայկ Արշակյանի գլխավորությամբ։
Մանրամասն՝ սկզբնաղբյուր կայքում։
--00—ՅՄ