ԵՐԵՎԱՆ, ՕԳՈՍՏՈՍԻ 15, 24News
Օգոստոսի 14-20-ը Հորդանանում անցկացվում է ըմբշամարտի Աշխարհի երիտասարդական առաջնությունը։ Այս մասին տեղեկանում ենք ArmSport.am-ից։
Էդիկ Հարությունյանը (57կգ) վստահ հաղթանակով է մեկնարկել մրցաշարում, սակայն հաջորդ գոտեմարտում զիջել է ԱՄՆ ներկայացուցչին, հայտնում է Հայաստանի Ըմբշամարտի ֆեդերացիայի մամուլի ծառայությունը։
Էդիկ Հարությունյանին հաղթած ԱՄՆ ներկայացուցիչը դուրս է եկել եզրափակիչ, ուստի Հարությունյանը կշարունակի պայքարը բրոնզե մեդալի համար:
79 կգ քաշային Նարեկ Գրիգորյանը մեկնարկում հաղթել է բելառուս մարզիկին, այնուհետև 1/8-ում հաղթել է թուրքմեն ըմբիշին, իսկ 1/4 եզրափակիչում 6:10 հաշվով պարտվել է ամերիկացի Սինգլեթոնին:
65 կգ Անդրանիկ Ավետիսյանը վստահ հաղթանակ է տարել գերմանացի ըմբիշի նկատմամբ։, բայց 1/8-ում պարտվել է ճապոնացի մրցակցին:
70 կգ Հայկ Պապիկյանն ու 97 կգ քաշային Խաչատուր Խաչատրյանը պարտվել են մեկնարկում։
--00—ԼՀ