ԵՐԵՎԱՆ, ՆՈՅԵՄԲԵՐԻ 15, 24News
2020 թվականի նոյեմբերի 10-ին Ադրբեջանը առևանգել է լիբանանահայ Վիկեն Էուլջեքյանին, երբ նա ճանապարհորդում էր Լեռնային Ղարաբաղում՝ Արցախում։ Այս մասին թվիթերում հաղորդագրություն է տարածել «Միջազգային քրիստոնեական համերաշխություն» (CSI) իրավապաշտպան կազմակերպությունը։
«2021 թվականի հունիսին՝ կեղծ դատավարությամբ, որտեղ նա իրավունք չուներ օգտվելու փաստաբանից, դատապարտվել է 20 տարվա ազատազրկման: Այժմ Բաքվի բանտում նրա առողջական վիճակը լրջորեն վատացել է։
Արևելքի հրապարակած հոդվածում Վիգենի կինը՝ Լինդա Էուլջեկյանը ասել է. «Վիգենի կյանքը թելից է կախված»։
«Ըստ Լինդայի՝ Վիգենի առողջական վիճակը կտրուկ վատացել է մոր մահվան լուրը լսելուց հետո։ Վիգենի հետ նրա հազվադեպ շփումներում պարզ է դարձել, որ նա առողջական լուրջ խնդիրներ ունի, և անհրաժեշտ է նրան ազատել Բաքվի բանտից՝ հնարավորինս շուտ»,-ասված է հաղորդագրության մեջ։
--00—ՅՄ