ԵՐԵՎԱՆ, ՆՈՅԵՄԲԵՐԻ 28, 24News
Նոյեմբերի 28-ին, ժամը 21։51-ին Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Փոքր Սարիար գյուղի մոտակայքում շտապօգնության ավտոմեքենան արգելափակվել է ձնակույտի մեջ. դուրս բերելու համար անհրաժեշտ է փրկարարների օգնությունը:
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Փրկարարները ոստիկանության աշխատակիցների հետ համատեղ «Ford» մակնիշի շտապօգնության ավտոմեքենան (վարորդ՝ Ա․ Գ․, ծնված 1992 թ.) դուրս են բերել արգելափակումից և քարշակել մինչ մայրուղի:
--00—ՍՊ