ԵՐԵՎԱՆ, ՀՈՒԼԻՍԻ 17, 24News
Վերջին տարիներին ՀՀ Ներքին գործերի նախարարության ոստիկանության տարբեր ստորաբաժանումներ, այդ թվում՝ մարզային վարչությունների, տարածքային բաժինների և ՀՀ ՆԳՆ ոստիկանության Պարեկային ծառայության ծառայողները այնքան ապօրինի զենք ու զինամթերք են հայտնաբերել, որով կարելի է զինել մի քանի գունդ։ Ներքին գործերի նախարար Վահե Ղազարյանի, ՀՀ ՆԳՆ ոստիկանության պետ, ՆԳ նախարարի տեղակալ, ոստիկանության գեներալ-մայոր Արամ Հովհաննիսյանի հանձնարարականներով Հանրապետությունում շարունակվում է ապօրինի զենք-զինամթերքի հայտնաբերման ուղղությամբ աշխատանքների ընթացքը։
Երեկ՝ հուլիսի 16-ին, ՀՀ ՆԳՆ ոստիկանության Էրեբունու բաժնի ծառայողները՝ բաժնի պետ Դավիթ Պետրոսյանի, բաժնի պետի օպերատիվ գծով տեղակալ Սենիկ Երանոսյանի, քրեական հետախուզության բաժանմունքի պետ Սամվել Մամիկոնյանի ու ոստիկանության Նուբարաշենի բաժանմունքի ծառայողները՝ բաժանմունքի պետ Կարեն Հովհաննիսյանի գլխավորությամբ հերթական զենք, զինամթերքի հայտնաբերման դեպքն է արձանագրել։
Ինչպես հայտնում է ֆոտոլրագրող Գագիկ Շամշյանը, ոստիկանության Էրեբունու բաժնում և ոստիկանություն Նուբարաշենի բաժանմունքում օպերատիվ տեղեկություններ էին ստացվել, որ Էրեբունի վարչական շրջանի բնակիչներից մեկը, ով Արցախյան 44-օրյա պատերզմի մասնակից է, այնտեղից իր հետ զենք և զինամթերք է բերել։
Էրեբունու և Նուբարաշենի ոստիկանները, ապա նրանց միացած ՀՀ ոստիկանության Էրեբունու տարածքի վետերանների կողմից բացատրական աշխատանքներ է իրականացվում, այդ քաղաքացու հետ, ով կարճ ժամանակ անց ոստիկաններին հայտնում է, որ ինքը նշված զենք, զինամթերքը թողել է Նուբարաշեն վարչական շրջանի փողոցներից մեկի ձորակում, ուռենիների հատվածում։ Նշված վայր են մեկնում ոստիկանության Էրբունու բաժնի, ոստիկանության Նուբարաշենի բաժանմունքի, ինչպես նաև ՀՀ ՆԳՆ ոստիկանության Պարեկային ծառայության Երևան քաղաքի գնդի 3-րդ գումարտակի 3-րդ վաշտի պարեկները՝ գումարտակի հրամանատար Գոռ Առաքելյանի, գումարտակի հրամանատարի տեղակալ Ալբերտ Հովհաննիսյանի և վաշտի հրամանատար Արմեն Զաքարյանի գլխավորությամբ։
Քանի որ, նշված վայրում կային մեծ թվով ուռենիներ, ոստիկաններն ու պարեկները, այդ թվում պարեկներ Հովհաննես Սիմոնյանը, Լաերտ Հայրապետյանը, Վարդան Խոցանյանը մի քանի 100 մետր որոնողական աշխատանքներ են իրականացնում և քաղաքացու մատնանշած վայրում հայտնաբերում են կասկածելի պարկ։
Մանրամասն՝ սկզբնաղբյուր կայքում։
--00—ՅՄ