ԵՐԵՎԱՆ, ՕԳՈՍՏՈՍԻ 9, 24News
Մեքսիկայի նախագահը մերժել է Ուկրաինայի դիմումը՝ ձերբակալել ՌԴ նախագահ Վլադիմիր Պուտինին, եթե նա ժամանի պետության նոր ղեկավարի երդմնակալությանը, որի տեղի է ունենալու այս տարվա հոկտեմբերին: Այս մասին հայտնում է Reuters-ը:
«Մենք չենք կարող դա անել: Դա մեր գործը չէ», - այս մասին լրագրողների հետ զրույցում ասել է նախագահ Անդրես Մանուել Լոպես Օբրադորը։
Հիշեցնենք, որ Ուկրաինան Մեքսիկային խնդրել է ձերբակալել Պուտինին, եթե նա հոկտեմբերի 1-ին մասնակցի ընտրված նախագահ Կլաուդիա Շեյնբաումի երդմնակալության արարողությանը։
--00—ՅՄ