ԵՐԵՎԱՆ, ՍԵՊՏԵՄԲԵՐԻ 13, 24News
Ադրբեջանի ԶՈւ հրետանային ստորաբաժանումներն անցկացրել են ցուցադրական մարտավարական վարժանքներ՝ ուղիղ կրակով։ Ինչպես հայտնում է ԱՊԱ-ն՝ Ադրբեջանի ՊՆ-ին հղումով, զորավարժությունների պլանի համաձայն՝ ստորաբաժանումները կատարել են կրակային դիրքեր զբաղեցնելու, հրետանային համակարգերի պատրաստման և այլ առաջադրանքներ։
Իրական մարտական պայմաններին համապատասխան անցկացված վարժանքների ընթացքում հրետանային ստորաբաժանումները ճշգրիտ կրակով հայտնաբերել և ոչնչացրել են պայմանական հակառակորդի պլանավորված և չնախատեսված թիրախները։
Զորավարժությունները կենտրոնացած էին կրակային աջակցության խմբերի հրամանատարների և հրաձիգների կողմից թիրախային կոորդինատների ճշգրիտ որոշման, ինչպես նաև կրակի վերահսկման և մարտական հմտությունների կատարելագործման գործում նրանց գործառնական պարտականությունների կատարման վրա:
--00—ՅՄ