ԵՐԵՎԱՆ, ՀՈԿՏԵՄԲԵՐԻ 3, 24News
Ադրբեջանագետ Տաթևիկ Հայրապետյանը գրում է․
«Օրեր առաջ ադրբեջանական կայքերից մեկը հրապարակում էր արել՝ զգուշացնելով ետ վերցնել տներն այն ադրբեջանցիներից, ովքեր օկուպացված Արցախում տուն ստանալուց հետո թողնում են այդ տներն ու հետ գնում Բաքու։
«Օրեր առաջ ադրբեջանական կայքերից մեկը հրապարակում էր արել՝ զգուշացնելով ետ վերցնել տներն այն ադրբեջանցիներից, ովքեր օկուպացված Արցախում տուն ստանալուց հետո թողնում են այդ տներն ու հետ գնում Բաքու։
Այդ նյութի տակ նաև շատ հետաքրքրիր քննարկումներ էին ծավալվել, որտեղ տարբեր ադրբեջանցի օգտատերեր նշում էին, որ Բաքվում շատերն անտուն են, բազմաթիվ խնդիրներ կան, բայց ամբողջ գումարը դնում են Արցախի վրա, նաև այլ անարդարություններից էին բողոքում։ Որոշ հղումներ տեղադրում եմ իմ տելեգրամ ալիքում, ցանկության դեպքում ինքներդ նայեք։
Ինչու՞ եմ սա ներկայացնում, որովհետև առավոտից երեկո հոխորտացող Ալիևն իր հերթին ունի բազմաթիվ խնդիրներ, որոնք պետք է լավ ուսումնասիրել ու օգտագործել իր դեմ։ Առհասարակ Ալիևը մեզ բազմաթիվ «նվերներ» է անում՝ շարունակելով անկեղծորեն ներկայացնել իր հայատյաց ու զավթողական քաղաքականությունը, բայց ցավոք այդ ամենը մնում է չօգտագործված։
Մեր ղեկավարությունը կոծկում է Ադրբեջանի նպատակները, չի փորձում հասկանալ Ադրբեջանը՝ իր ուժեղ ու թույլ կողմերով, աշխատանք տանել սպառնալիքները չեզոքացնելու ուղղությամբ, այլ նստած թախտին, սպասում է բախտին․․․»:
--00—ՍՊ