ԵՐԵՎԱՆ, ՆՈՅԵՄԲԵՐԻ 3, 24News
ԱՄՆ փոխնախագահ և առաջիկա ընտրություններում դեմոկրատ թեկնածու Կամալա Հարրիսը առաջ է անցել իր հանրապետական մրցակից և Սպիտակ տան նախկին ղեկավար Դոնալդ Թրամփից Այովա նահանգում։ Այս մասին պարզ է դառնում Des Moines Register-ի և Mediacom-ի հարցումներից:
Նշվում է, որ Հարրիսին աջակցում է հարցվածների 47%-ը, Թրամփին՝ 44%-ը։ Միևնույն ժամանակ, Թրամփը երկու անգամ հաղթել է Այովա նահանգում 2016 թվականին, երբ նա մրցում էր նախագահի պաշտոնի համար Հիլարի Քլինթոնի հետ, և 2020 թվականին, երբ մրցում էր ներկայիս նախագահ Ջո Բայդենի հետ։
Հարցումն անցկացվել է հոկտեմբերի 28-31-ը 808 հավանական ընտրողների շրջանում։
--00—ՅՄ