ԵՐԵՎԱՆ, ԴԵԿՏԵՄԲԵՐԻ 15, 24News
Քաղաքագետ Անդրանիկ Միհրանյանին թույլ չեն տվել «Զվարթնոց» օդանավակայանից մուտք գործել Հայաստան: Ինչպես հաղորդում է Ռուսաստանի հայերի միության telegram-ալիքը, Միհրանյանը Հայաստան է ժամանել ծնողների շիրիմներին այցելելու համար: Օդանավակայանում Միհրանյանին հայտնել են, որ նրա մուտքը Հայաստան արգելված է։
Ազգությամբ հայ, բայց ռուսաստանցի քաղաքագետ Անդրանիկ Միհրանյանը հայտնի է Հայաստանի ներկայիս իշխանությունների նկատմամբ քննադատական հայտարարություններով, որն էլ, ըստ ամենայնի, պատճառ է դարձել, որ նրա մուտքը երկիր արգելվի:
Միհրանյանը միակ ռուսաստանցի հանրային կերպարը չէ, ում արգելել են մուտք գործել Հայաստան: Այսպիսի որոշում է կայացվել RT հեռուստաընկերության ղեկավար Մարգարիտա Սիմոնյանի, ՌԴ պետդումայի պատգամավոր Կոնստանտին Զատուլինի և այլ հասարակական ու քաղաքական գործիչների մասին:
--00—ԼՀ