ԵՐԵՎԱՆ, ՓԵՏՐՎԱՐԻ 13, 24News
Իրանի արտաքին գործերի նախարարի քաղաքական հարցերով տեղակալ Մաջիդ Թախտ Ռավանչիին՝ անդրադառնալով ՀՀ տարածքային ամբողջականության վերաբերյալ Իրանի հստակ դիրքորոշմանը, հայտարարել է, որ Իրանը շարունակում է պահպանել իր դիրքորոշումը տարածաշրջանի աշխարհաքաղաքականության անփոփոխության վերաբերյալ, փոխանցում է IRNA-ն։
Թախտ-Ռավանչին հինգշաբթի օրը ՀՀ արտակարգ և լիազոր դեսպան Գրիգոր Հակոբյանի հետ հանդիպմանը նշել է, որ Իրանի արտաքին քաղաքականության մեջ առանձնահատուկ նշանակություն ունի ՀՀ-ի հետ հարաբերությունների զարգացումը, և դրա համար կան բոլոր անհրաժեշտ նախադրյալները։
Դեսպան Հակոբյանն իր հերթին նշել է, որ Իրանի հետ փոխադարձ հարգանքի և վստահության վրա հիմնված հարաբերությունների խորացումը առանձնահատուկ նշանակություն ունի Հայաստանի կառավարության և ժողովրդի համար։
Հանդիպմանը քննարկվել են նաև Հայաստանի և Իրանի միջև քաղաքական, տնտեսական և էներգետիկ ոլորտներում համագործակցության հարցեր։ Կողմերը մտքեր են փոխանակել նաև տարածաշրջանային օրակարգի ընթացիկ հարցերի շուրջ։
--00—ՅՄ