ԵՐԵՎԱՆ, ԱՊՐԻԼԻ 5, 24News
Տարածաշրջանը շատ լարված է, Իրանի ուղղությամբ սպառնալիք կա, Թրամփի վարչակազմից կան մարդիկ, ովքեր պատերազմ են ուզում։ Թրամփը նախապայմաններ է դրել Իրանի առջև, մենք պատասխանել ենք նամակին՝ կան կետեր, որոնք մեզ համար անընդունելի են։
24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց իրանցի քաղաքական վերլուծաբան Փույա Հուսեյնին։
Վերլուծաբանի համոզմամբ, Հայաստանն Իրանի հետ անվտանգության համաձայնագիր ու լայն համագործակցություն պետք է ունենա, հարաբերությունների նոր մակարդակ պետք է ձևավորել, սակայն Հայաստանը` երրորդ երկրների կողմից ճնշման տակ, հարաբերութունները չի խորացնում։
«Սյունիքի վրա վտանգ կա, Ադրբեջանն Իրանի դեմ իրավիճակը կարող է օգտագործել և հարձակվել Հայաստանի վրա։
Մեզ հաջողվել է կանխել Ադրբեջանի հարձակումը, ասել ենք, որ ՀՀ-ի հետ սահմանը մեզ համար կարմիր գիծ է»։
Ինչ վերաբերում է ադրբեջանցիների պահանջներին, ապա Հուսեյնին նշեց, որ Ադրբեջանին ասվել է, որ ՀՀ-ում էթնիկ փոփոխություն չի կարող լինել, ադրբեջանցիների գալը Սյունիք իրենց համար անընդունելի է։
ՀերմինեՄիքայելյան
Մանրամասները՝ տեսանյութում:
--00—ԱՀ