ԵՐԵՎԱՆ, ՓԵՏՐՎԱՐԻ 27, 24News
Իրանի՝ կանանց ու ընտանիքի հարցերով փոխնախագահ Մասումե Էբտեկարը վարակվել է կորոնավիրուսով։ Այս մասին հայտնում են իրանական լրատվամիջոցները։
Ինչպես տեղեկացրել էինք ավելի վաղ, Իրանում «Covid-19» կորոնավիրուսով վարակվել էին նաև Իրանի առողջապահության փոխնախարարն ու երկու պատգամավորներ։
Այսօրվա դրությամբ Իրանում կորոնավիրուսի հետևանքով մահացել է 26 մարդ։
Վարակը տարածվել է բոլոր մայրցամաքներում, բացի՝ Անտարկտիդայից։ Կորոնավիրուսի առողջացածների, վարակվածների և մահացածների թվին, ինչպես նաև կորոնավիրուսով վարակված քաղաքացի ունեցող երկրների ցանկին կարելի է ծանոթանալ և օնլայն հետևել https://www.worldometers.info/coronavirus/ հասցեում։