ԵՐԵՎԱՆ, ԴԵԿՏԵՄԲԵՐԻ 14, 24News
Ֆրանսիական կողմի նախաձեռնությամբ ՌԴ նախագահ Վլադիմիր Պուտինն ու Ֆրանսիայի նախագահ Էմանուել Մակրոնը հեռախոսազրույց են ունեցել: Այս մասին հայտնում է Կրեմլի պաշտոնական կայքը: Ի թիվս այլ ակտուալ հարցերի` մանրամասն քննարկվել է ԼՂ խնդրի կարգավորման հարցում տիրող իրավիճակը:
Պուտինը Մակրոնին տեղեկացրել է Սոչիում նոյեմբերի 26-ին կայացած եռակողմ հանդիպման հիմնական արդյունքների մասին, պատմել, թե ինչպես է իրականացվում տարածաշրջանում կրակի դադարեցման ռեժիմի վերահսկումը, փախստականների վերադարձը, առևտրատնտեսական ու տրանսպորտային կապերի վերականգնումը:
Նախագահները հույս են հայտնել, որ դեկտեմբերի 15-ին ԵՎ կառույցների ղեկավարների հանդիպումը ՀՀ և Ադրբեջանի ղեկավարների` Իլհամ Ալիևի ու Նիկոլ Փաշինյանի հետ, օգտակար կլինի:
Ընդգծվել է ԵԱՀԿ ՄԽ համանախագահների գծով աշխատանքի ակտիվացման նպատակահարմարությունը:
--00--ԱԹ