ԵՐԵՎԱՆ, ԴԵԿՏԵՄԲԵՐԻ 28, 24News
Այսօր՝ դեկտեմբերի 28-ին, խոշոր ու շղթայական ավտովթար է տեղի ունեցել Արագածոտնի մարզում։ Ժամը 11։00-ի սահմաններում Երևան-Վանաձոր ավտոճանապարհին, Շենավան գյուղի վարչական տարածքում, ժողովրդի լեզվով ասած՝ Շենավանի խաչմերուկում, բախվել են Mercedes, 2 KamAZ և բեռնատար ГАЗель մակնիշի ավտոմեքենաները։ Այս մասին հայտնում է shamshyan.com-ը։
Բախման հետևանքով KamAZ-ներից մեկն էլ բախվել է նշված վայրում գործող «Կանթեղ» առևտրի կենտրոնի դիմաց կայանված Mitsubishi Pajero iO և Toyota Corolla մաիկնիշի ավտոմեքենաներին։
Ըստ նախնական տեղեկությունների՝ բարեբախտաբար, տուժածներ չկան։
Երբ KamAZ-ը բախվել է Mitsubishi Pajero iO-ին, կոտրել է նաև խանութի հսկայական ապակին, խանութին պատճառվել է նաև նյութական վնաս։
Ապարանի ոստիկանությունն ու ճանապարհային ոստիկանները պարզում են վարորդների ինքնությունը։
Վթարի փաստով ՃՈ 2-րդ սպայական գումարտակի Արագածոտնի մարզն սպասարկող դասակում նյութեր են նախապատրաստվում։
--00—ՅՄ