ԵՐԵՎԱՆ, ՀՈՒՆՎԱՐԻ 3, 24News
RMC Sport-ի լրագրող և սյունակագիր Դանիել Ռիոլոն խոսել է ՊՍԺ-ի հարձակվող Կիլիան Մբապեի մասին, որի ծառայություններով երկար ժամանակ է՝ հետաքրքրված է Մադրիդի «Ռեալը»։
«Ինձ բացարձակապես չի հետաքրքրում՝ նա կմնա՞, թե՞ կհեռանա։ Եթե նա հեռանա, լավ, դա իր ընտրությունն է: Եթե նա մնա և լավ խաղա, դա նույնպես լավ է:
Ինձ ավելի շատ անհանգստացնում է այն, թե որքանով է փոխվում վերաբերմունքը Կիլիանի նկատմամբ Ֆրանսիայում։ Ավելի ու ավելի շատ մարդիկ բացասաբար են վերաբերվում Մբապեին, քանի որ նրանց նյարդայնացնում է նրա անվճռականությունը, ինչի առաջին նշանները մենք տեսանք անցած ամառ»,- Ռիոլոյի խոսքերն է մեջբերում RMC Sport-ը։
Հիշեցնենք, որ հունվարի սկզբին հաղորդվում էր, որ Մադրիդի «Ռեալը» նոր ծրագիր է մշակել Կիլիան Մբապեին ձեռք բերելու համար։ Մադրիդյան թիմը մտադիր է մոտ ապագայում սկսել այս պլանի իրագործումը:
Աղբյուրը՝ Armsport.am
--00—ՅՄ