ԵՐԵՎԱՆ, ՕԳՈՍՏՈՍԻ 29, 24News
Իսրայելը Հորդանան գետի Արևմտյան ափի մի քանի շրջաններում օգոստոսի 28-ից սկսել է խոշոր գործողություն՝ նշելով, որ դա «հակաահաբեկչական գործողություն» է։ Արևմտյան ափին զոհերի թիվն, ըստ տեղի իշխանությունների, արդեն հասել է 17-ի։ «Արմենպրես»-ն այս մասին տեղեկանում է BBC-ից։
Գործողության երկրորդ օրը Իսրայելը հայտնել է, որ Տուլկարմում սպանել է հինգ «ահաբեկչի», որոնք թաքնված են եղել մզկիթում։ Ըստ իսրայելական կողմի՝ նրանք սպանվել են փոխհրաձգության արդյունքում։ Զոհերից մեկը Մուհամմեդ Ջաբերն է, որին Իսրայելում մեղադրում են ահաբեկչության մեջ։ Պաղեստինյան խմբավորումները նրան անվանել են «դիմադրության ուժերի» կարևոր գործիչ և խոստացել են վրեժ լուծել նրա սպանության համար։
Բացի Տուլարմից, իսրայելական ուժերը գործողություններ են անցկացնում նաև Ջենինում, Տուբասում, որտեղ նույնպես կան զոհեր։
Մանրամասն՝ սկզբնաղբյուր կայքում։
--00—ՅՄ