ԵՐԵՎԱՆ, ՀՈԿՏԵՄԲԵՐԻ 7, 24News
«Եվրասիա»-ն այցելություն էր կազմակերպել Վանաձորի Աբելյանի անվան դրամատիկական թատրոն։ Միջոցառման ծրագիրը սկսվել է Ֆիոլետովո գյուղ այցելությամբ, որտեղ բնակվում են հոգևոր քրիստոնեության ուղղություններից մեկի՝ մոլոկանների հետևորդները:
Թեյատան ազգային խրճիթում երեխաները ծանոթացել են ավանդական կենցաղին և մոլոկանների սովորություններին։ Ազգային ուտեստներ համտեսելուց հետո նրանք շարունակել են ճանապարհորդությունը դեպի Վանաձորի թատրոն, որտեղ դիտել են Ա.Պ. Չեխովի ստեղծագործության հիման վրա Մոսկվայի հայկական թատրոնի բեմադրած «Առաջարկ +» ներկայացումը։
Նրանք ոչ միայն դիտել են ներկայացումը, այլև շատ հետաքրքիր հանդիպում ունեցել Հայրենական մեծ պատերազմի վետերան Վլադիմիր Ռոմանովիչ Ռապացկու հետ՝ բազմաթիվ հարցեր տալով նրան, ինչը ցույց է տալիս հայ երիտասարդների մեծ հարգանքը պատերազմի հերոսների նկատմամբ։
«Եվրասիա» ինքնավար ոչ առևտրային կազմակերպությունը ստեղծվել է հետխորհրդային տարածքում քաղաքացիների շահերը խթանելու համար։ Այն իրականացնում է ծրագրեր երիտասարդների, ուսուցիչների և լրագրողների համար, պրակտիկա և բիզնես առաքելություններ, կրթական ճամբարներ և մեդիա դպրոցներ:
--00—ՅՄ