ԵՐԵՎԱՆ, ՓԵՏՐՎԱՐԻ 11, 24News
Ռուսաստանից դեպի Վրաստան մուտքը Ռազմավիրական ճանապարհով փակ է եղանակային պայմանների պատճառով։ «Արմենպրես»-ի փոխանցմամբ՝ այս մասին հաղորդել է Հյուսիսային Օսիայի Ճանապարհային երթևեկության կազմակերպման կենտրոնը։
Ռուսաստանի Դաշնությունից Վրաստան ելքի էլեկտրոնային հերթում ներկայում կա ավելի քան հազար ավտոմեքենա։
Ռազմավիրական ճանապարհը Վլադիկավկազից տանում է Թբիլիսի Գլխավոր Կովկասյան լեռնաշղթայով՝ Ռուսաստանը կապելով Վրաստանի և Անդրկովկասի մյուս երկրների հետ։ Ռուսական հատվածում մայրուղին անցնում է Հյուսիսային Օսիայի տարածքով։ Ձմռանը ճանապարհը հաճախ փակվում է վատ եղանակի պատճառով:
--00—ՅՄ