Միլանը վստահ հաղթանակ տոնեց արտագնա խաղում

ԵՐԵՎԱՆ, ՀՈՒՆՎԱՐԻ 7, 24News

Իտալիայի առաջնության 19-րդ տուրի շրջանակում «Միլանն» արտագնա խաղում հաղթեց «Էմպոլիին»։

Հանդիպումն ավարտվեց հյուրերի հաղթանակով՝ 3-0 հաշվով։

Հաշիվը 11-րդ րոպեին բացեց Ռուբեն Լոֆտուս-Չիկը, իսկ 31-րդ րոպեին Օլիվյե Ժիրուն իրացրեց 11 մետրանոցը՝ խփելով իր տասներորդ գոլն այս մրցաշրջանում բոլոր մրցաշարերում։ Միլանցիների երրորդ գոլը 88-րդ րոպեին խփեց Չակա Տրաորեն։

Ա Սերիայի 19 տուրից հետո «Միլանը» ունի 39 միավոր և երրորդ տեղում է։ «Էմպոլին» վաստակել է 13 միավոր և 19-րդ տեղում է:

Աղբյուրը՝ Armsport.am

--00—ՅՄ