ԵՐԵՎԱՆ, ՓԵՏՐՎԱՐԻ 5, 24News
ԱՄՆ Սենատում բանակցությունների մասնակցիները ներկայացրել են 118,28 միլիարդ դոլարի ԱՄՆ-ի և Մեքսիկայի սահմանը պաշտպանելու համար իրենց պատրաստած օրինագիծը, որը հանրապետականների պայմանն էր Ուկրաինային օգնությունն ապաշրջափակելու համար, հայտնում են լրատվամիջոցները։
Այն ներառում է 60,06 միլիարդ դոլար Ուկրաինային աջակցելու համար, 14,1 միլիարդ դոլար՝ Իսրայելին, 2,44 միլիարդ դոլար՝ ԱՄՆ Կենտրոնական հրամանատարության գործողություններին աջակցելու և «Կարմիր ծովի հակամարտության հետ կապված մարտական ծախսերը»: Բացի այդ, նախատեսվում է 10 մլրդ դոլար հատկացնել Գազայի հատվածի և Հորդանան գետի արևմտյան ափի բնակչությանը մարդասիրական օգնության համար։
Կա նաև 4,83 միլիարդ դոլարի հատկացում՝ «Հնդկա-խաղաղօվկիանոսյան տարածաշրջանում հիմնական տարածաշրջանային գործընկերներին աջակցելու և Չինաստանի կառավարության ագրեսիան զսպելու համար»:
Սպիտակ տան տարածած հայտարարության մեջ ԱՄՆ նախագահ Ջո Բայդենն ասել է, որ օրինագծի ընդունումը թույլ կտա Միացյալ Նահանգներին «շարունակել կենսական աշխատանքը գործընկերների հետ ամբողջ աշխարհում»՝ Ուկրաինային աջակցելու համար, ինչպես նաև «Իսրայելին ապահովելու այն ամենը, ինչ անհրաժեշտ է»:
--00—ՅՄ