ԵՐԵՎԱՆ, ՄԱՅԻՍԻ 20, 24News
«Խորը ցավով տեղեկացա Իրանի նախագահ Էբրահիմ Ռայիսիի և նրան ուղեկցող անձնակազմի, այդ թվում՝ արտաքին գործերի նախարար Հոսեյն Ամիր Աբդոլլահիանի, Արևելյան Ադրբեջանի նահանգի նահանգապետ Մալեք Ռահմատիի և Թավրիզ քաղաքի ուրբաթօրյա իմամ Մոհամմադ Ալի Ալե Հաշեմի մահվան մասին:
Կիսելով անդառնալի կորուստների ցավը՝ իմ խորին վշտակցությունն ու անմնացորդ զորակցությունն եմ հայտնում Հայաստանում Իրանի Իսլամական Հանրապետության արտակարգ և լիազոր դեսպանի գլխավորությամբ բարեկամ Իրանին ու իր ժողովրդին։ Ուժ, ամրություն և տոկունություն եմ ցանկանում զոհվածների հարազատներին այս դժվարին պահին։
Հ.Գ. Այսօր առավոտյան ցավակցական նամակ եմ ուղարկել Իրանի արտակարգ և լիազոր դեսպանին՝ որպես ՀՀ ԱԺ Հայաստան-Իրան բարեկամական խմբի անդամ»։
Հարգանքով՝ ԱԺ մարդու իրավունքների պաշտպանության և հանրային հարցերի մշտական հանձնաժողովի՝ ապօրինաբար լիազորությունները դադարեցված նախագահ, անկուսակցական պատգամավոր Թագուհի Թովմասյան
--00—ՅՄ