ԵՐԵՎԱՆ, ՕԳՈՍՏՈՍԻ 21, 24News
Իրանում 53 պակիստանցի ուխտավորների տեղափոխող ավտոբուս է շրջվել։ Ինչպես հաղորդում է ԱՊԱ-ն՝ հղում անելով Arab News-ին, Իրանի Յեզդ նահանգում անցակետի մոտ տեղի ունեցած վթարի հետևանքով 35 մարդ է զոհվել, 18-ը՝ վիրավորվել։
Նշվում է, որ վիրավորները տեղափոխվել են մոտակա հիվանդանոց։
Ըստ նախնական վարկածի՝ վթարի պատճառը եղել է մեքենայի արգելակման համակարգում առկա խնդիրը։
Դեպքի վայր են մեկնել փրկարարներ և ոստիկանության աշխատակիցներ։
Վթարի պատճառները հետաքննվում են։
--00—ՅՄ