ԵՐԵՎԱՆ, ՀՈԿՏԵՄԲԵՐ 10, 24News
Հնդկաստանում ՀՀ դեսպանության նախաձեռնությամբ տպագրվել և տարածում է գտել հնդկական «Envoy Excellency» հեղինակավոր ամսագրի Հայաստանին նվիրված հատուկ թողարկումը:
Ամսագրում ներառված են ինչպես ՀՀ պետական խորհրդանիշներին, պատմությանն ու մշակույթին վերաբերող, այնպես էլ տեսարժան վայրերի, խոհանոցի, մշակութային ժառանգության, ներդրումային միջավայրի և ոլորտային համագործակցության հնարավորությունների վերաբերյալ ճանաչողական և ուշագրավ տեղեկություններ:
Հրատարակությունում տեղ է գտել Շառլ Ազնավուրի 100-ամյակին նվիրված էջ:
Հնդկաստանում ՀՀ դեսպան Վահագն Աֆյանի հարցազրույցում անդրադարձ է կատարվել հայ-հնդկական հարաբերություններին, որոնք ներկայացված են նաև առանձին հոդվածով:
--00—ՍՊ