ԵՐԵՎԱՆ, ՀՈԿՏԵՄԲԵՐԻ 13, 24News
Իսրայելի ավիացիան և հրետանին հզոր հարվածներ են հասցնում Լիբանանի հարավում և արևելքում գտնվող մի շարք բնակավայրերի, հայտնում է Al-Arabiya հեռուստաալիքը։
Լիբանանի հարավում գտնվող «Ալ-Արաբիա» հեռուստաալիքի թղթակցի փոխանցմամբ՝ երկրի հարավում գտնվող երկու բնակավայր՝ Այտա ալ-Շաաբը և Ռամիան, ենթարկվել են ինտենսիվ գնդակոծության Լիբանանի ժամանակով կեսգիշերից հետո:
Իսրայելցի զինվորականները փորձել են ներթափանցել Լիբանանի տարածք, մասնավորապես, հեռուստաալիքի տվյալներով՝ իսրայելական բուլդոզերը փորձել է ներխուժել Լիբանանի տարածք, սակայն հանդիպել է «Հըզբոլլահի» մարտիկների դիմադրությանը։
Բացի այդ, իսրայելական հրետակոծության են ենթարկվել Հանին և Շակրա բնակավայրերը, ինչպես նաև Յունին, որը գտնվում է Բեքաա հովտի արևելքում։
--00—ՅՄ