ԵՐԵՎԱՆ, ՆՈՅԵՄԲԵՐԻ 18, 24News
Վարչապետ Նիկոլ Փաշինյանն այդ մարդկանց հեռացրեց, որպեսզի հետ բերի իր կորցրած ռեյտինգը։ Բացի այդ, «թալանը հետ բերելու» ժողովրդի պահանջը կբարդվի այս պաշտոնատար անձանց վրա։ Այս մասին 24News-ի հետ զրույցում ասաց «Լուսավոր Հայաստան» կուսակցության ղեկավար Էդմոն Մարուքյանը՝ անդրադառնալով Կառավարության մի շարք անդամների և ուժային կառույցների հրաժարականներին։
«Պողպատյա մանդատը պահանջելուց հետո անցել է 3 տարի և ավել ժամանակ, և Նիկոլ Փաշինյանն արձանագրում է Կառավարության նիստում, որ ոչ մի բան տեղի չի ունենում։ Իրենից ինչ-որ պահանջում են, ինքը տալիս է։ Ասել են դատավորների, քննիչների աշխատավարձերը բարձրացրեք, արել է, դատական իշխանության ներկայացուցիչներին օպերատիվ համարներ տվեք, տվել է։ Ո՞նց կարող է անկախ դատական համակարգ լինի պետական, օպերատիվ համարներով»,- ասաց Մարուքյանը։
Ըստ Մարուքյանի, այս իշխանությունը ոչ միայն «թալանը» հետ չի վերադարձել, այլ նաև սեփական թիմի անդամներն են դարձել «թալանչիներ»։ «Շուտով կդառնա 8 տարի, որ կառավարում է այս իշխանությունը, բայց ուզում եմ ասել, որ որևէ ռեֆորմ չի լինելու, որևէ ոլորտում հաջողության պատմություն չի լինելու, ինչու՞, որովհետև ընդհանուր տրամաբանությունն է էդպիսին», - հավելել է նա։
Մանրամասները՝ 24News-ի տեսանյութում։
--00—ԱՊ