ԵՐԵՎԱՆ, ԴԵԿՏԵՄԲԵՐԻ 24, 24News
Դեկտեմբերի 23-ին Կոմիտասի անվան կամերային երաժշտության տանը տեղի ունեցավ «Արցախ» կամերային նվագախմբի անդրանիկ համերգը (գեղարվեստական ղեկավար՝ աշխարհահռչակ թավջութակահար Նարեկ Հախնազարյան): Հայտնում են Արցախի թեմից։
Երեկոն բացվեց Արցախի թեմի առաջնորդ գերաշնորհ Տեր Վրթանես եպիսկոպոս Աբրահամյանի աղոթքով և սրտաբուխ խոսքով: Սրբազան հայրն օրհնեց և մաղթեց, որ շարունակական լինի՝ Աստծո օրհնությամբ:
Համերգը հնարավոր է դարձել Արցախի կամերային նվագախմբի հիմնադրամի համահիմնադիրներ Հասմիկ Պապյանի, Արտակ Բեգլարյանի և Նարեկ Հախնազարյանի ջանքերով։
Միջոցառման գլխավոր հովանավորն էր Հայկական բարեգործական ընդհանուր միությունը։
Համերգից առաջ բացվել էր ցուցահանդես-վաճառք, որի ամբողջ հասույթն ուղղվելու է արցախցի երեխաներին:
--00—ՍՊ