ԵՐԵՎԱՆ, ՕԳՈՍՏՈՍԻ 8, 24News
Ներքին գործերի նախարարության (ՆԳՆ) Ամբրոլաուրիի շրջանային բաժնի հետաքննիչ Միրիան Ճելիձեն, ով աշխատում էր Շովիում, մահացել է։ Տեղեկությունը տարածում է գործակալության մամուլի ծառայությունը, փոխանցում է Aliq.ge-ն։
Ըստ առկա վարկածի՝ 50-ից ցածր տարիքի ոստիկանի մահը կապված է սրտի կաթվածի հետ։
«Ոստիկանության մայորը Օնի մունիցիպալիտետում իր պարտականություններն էր կատարում, բնական աղետի գոտում փրկարարական միջոցառումների շրջանակում պաշտպանում էր հասարակական կարգը, երբ կորցրել է գիտակցությունը և հիվանդանոց տեղափոխվելու ճանապարհին մահացել»,- ասված է ՆԳՆ հաղորդագրության մեջ։
Արևմտյան Վրաստանի Ռաճայի բարձր լեռնային շրջանում սողանքը տեղի է ունեցել օգոստոսի 3-ին։
--00—ՍՊ