ԵՐԵՎԱՆ, ԴԵԿՏԵՄԲԵՐԻ 24, 24News
Հնդկաստանի արտաքին գործերի նախարար Սուբրամանյամ Ջայշանկարը դեկտեմբերի 25-ից 29-ը կայցելի Ռուսաստան։ Այս մասին հայտնում է Հնդկաստանի ԱԳՆ-ն, փոխանցում է ՏԱՍՍ-ը։
«Արտաքին գործերի նախարարը 2023 թվականի դեկտեմբերի 25-29-ը կայցելի Ռուսաստան՝ երկու կողմերի միջև շարունակվող բարձր մակարդակի շփումների շրջանակներում»,- ասվում է հաղորդագրության մեջ։
Հնդկաստանի ԱԳՆ-ն նշում է, որ այցի ընթացքում նախարարը կհանդիպի ՌԴ փոխվարչապետ, արդյունաբերության և առևտրի նախարար Դենիս Մանտուրովի հետ, ում հետ կքննարկի տնտեսական գործընկերության հարցեր։
Հնդկաստանի արտգործնախարարը կհանդիպի նաև իր գործընկերոջ՝ Ռուսաստանի արտգործնախարար Սերգեյ Լավրովի հետ՝ «քննարկելու երկկողմ, բազմակողմ և միջազգային հարցեր»։
--00—ՅՄ