ԵՐԵՎԱՆ, ԱՊՐԻԼԻ 4, 24News
ՔՊ-ն «провал» է տվել, ժողովրդի սպասումները չի արդարացրել, մարդիկ հիասթափվել և ձանձրացել են Փաշինյանի խոստումներից, որը նա տալիս է ու չի կատարում։ Նրանց վարկանիշը ընկել և ընկնում է, նրանք շանսեր չունեն ընտրվելու, ժողովրդին մշտապես խաբել հնարավոր չէ։ 24TV-ի «Հարցազրույց Հերմինե Միքայելյանի հետ» հաղորդման ժամանակ նման կարծիք հայտնեց ԱԺ պատգամավոր Հակոբ Ասլանյանը՝ խոսելով Գյումրիում և Փարաքարում ՔՊ-ի պարտության մասին։
Նրա համոզմամբ, 2026 թվականին Փաշինյանը չի ընտրվի վարչապետ, որովհետև բացի իր նեղ շրջապատից, ոչ մեկ նրան վարչապետ չի ուզում տեսնել, նա սպառվել է։ «ՔՊ-ում շատերը փողի, իշխանության և վախի փորձությանը չդիմացան, եթե ուզում ենք ազատ հասարակություն ձևավորել, պետք են մարդիկ, որոնք այդ փորձությունները կարող են հաղթահարել։ Ժողովուրդը ձանձրացել է Փաշինյանի ելույթներից, մարդուն գնահատում են իր գործողություններով, իսկ գործողություններ չկան»,- ընդգծեց պատգամավորը։
Հերմինե Միքայելյան
Մանրամասները՝ տեսանյութում:
--00—ԱՊ