ԵՐԵՎԱՆ, ԱՊՐԻԼԻ 4, 24News
ԱՄՆ-ի նախագահ Դոնալդ Թրամփը Չինաստանի կողմից պատասխան մաքսատուրքերի սահմանման ֆոնին հայտարարել է, որ Չինաստանը ճիշտ չի գործել և խուճապի է մատնվել։ Ինչպես տեղեկացնում է «Արմենպրես»-ը, Թրամփը համապատասխան գրառում է կատարել Truth Social հարթակում։
«Չինաստանը ճիշտ չի գործել և խուճապի է մատնվել, մինչդեռ չինական կողմն իրեն նման բան չպետք է թույլ տար»,- գրել է ԱՄՆ-ի նախագահը։
Ավելի վաղ Չինաստանի Պետխորհուրդը հայտարարել էր ԱՄՆ-ից բոլոր ապրանքների համար 34 տոկոս լրացուցիչ մաքսատուրքերի սահմանման մասին։ Բանաձևն ուժի մեջ է մտնելու ապրիլի 10-ից։ Չինական կողմի որոշումը պատասխան էր ամերիկյան իշխանությունների նմանատիպ գործողություններին։
--00—ՍՊ