ԵՐԵՎԱՆ, ԱՊՐԻԼԻ 4, 24News
ՀՀ ՆԳՆ միգրացիայի և քաղաքացիության ծառայությունը մշակել է «Օտարերկրացիների մասին» ՀՀ օրենքում փոփոխություններ և լրացումներ կատարելու մասին օրենքի նախագիծ, որն արդեն շրջանառության մեջ է դրվել ՀՀ Կառավարության կողմից։
Քննարկման ընթացքում կրթական հաստատությունների և ձեռնարկատիրական միությունների ներկայացուցիչներին ներկայացվել է օտարերկրացիներին կացության կարգավիճակի տրամադրման էլեկտրոնային հարթակը, որով նախատեսվում է տրամադրել ժամանակավոր, մշտական և հատուկ կացության կարգավիճակները ևս, այդ թվում՝ ուսման հիմքով կացության կարգավիճակը։
Ներկայացուցիչներին ներկայացվել է նախատեսվող նոր հարթակը, մասնավորապես՝ գործելաոճը, հայցերի ներկայացման ընթացակարգը, հնարավորությունները, քննարկվել են հնարավոր խնդիրներն ու դրանց լուծումները։
Ծրագիրն իրականացվում է ԵՄ–ի կողմից ֆինանսավորվող «Հայաստանում միգրացիայի և ապաստանի արդյունավետ կառավարման քաղաքականության շրջանակի և կարողությունների ընդլայնում» ծրագրի շրջանակներում՝ ՓԳՀ-ի հետ համատեղ:
--00—ՍՊ