Առաջիկայում Երևանի «Շտապ օգնությունը» ծառայություն կմատուցի նաև մոպեդներով

ԵՐԵՎԱՆ, ՀՈՒՆՎԱՐԻ 22, 24News

image_750x_65ae214ca59e3

Առաջիկայում Երևանի «Շտապ օգնությունը» ծառայություն կմատուցի նաև մոպեդներով, այդ մասով աշխատանք ունենք անելու՝ համապատասխան մասնագետներ գտնելու համար։ Այս մասին քաղաքապետարանի գործակարգավարական նիստի ժամանակ ասել է Երևանի քաղաքապետարանի աշխատակազմի առողջապահության վարչության պետի ժամանակավոր պաշտոնակատար Դավիթ Կարապետյանը։

Նա նշել է, որ առողջապահության նախարարի հրամանով՝ շտապ օգնության ծառայության չափորոշիչները հաստատելու մասին յուրաքանչյուր 20 հազար բնակչին նախատեսված է մեկ շարժակազմ․ «Պաշտոնական տվյալներով Երևան քաղաքի մեկ միլիոն 75 հազար բնակչության պարագայում արդեն իսկ 53-55 շարժակազմ է պետք։ Այս պահին աշխատում ենք 43 շարժակազմով, դիմել ենք առողջապահության նախարարին՝ ավելացնել մեր շարժակազմերը»,- ասել է նա։

--00—ՅՄ