ԵՐԵՎԱՆ, ՀՈՒՆԻՍԻ 6, 24News
«Ամենօրյա աշխատանքներ են տարվում, ջրի հետազոտություն է իրականացվում, բակային այցեր են իրականացվում, հասկանալու համար՝ մաքրման աշխատանքներից հետո ինչ ռիսկեր կան, և ինչ պիտի արվի»։ Այս մասին այսօր լրագրողների հետ զրույցում ասաց առողջապահության նախարար Անահիտ Ավանեսյանը՝ խոսելով աղետի գոտում իրականացվող աշխատանքներից և համաճարակի բռնկման վտանգից։
Նախարարը նշեց, որ այս պահին իրավիճակը կառավարելի է, շեղումներ չկա։
Ավանեսյանի խոսքով՝ ցանկացած ժամանակ էլ կա տարբեր ինֆեկցիաների բռնկման ռիսկ, բայց կանխարգելիչ աշխատանքներով պետք է զրոյացնել դրանք։
«Եթե աղետի գոտում համաճարակ սկսի, համակարգը պատրաստ է, սակայն եղել եմ այդ վայրերում, խնդիր չկա»,- ասաց նա։
Մանրամասները՝ տեսանյութում։
--00—ԼՀ